မိုက်ကယ်ဂျက်ဆန်နဲ့ ဇနီးဟောင်း ဒက်ဘီ ရိုဝီတို့ရဲ့ အသက်(၂၀) နှစ်အရွယ် သမီးဖြစ်သူ ပဲရစ်ဂျက်ဆန်ဟာ သူမအသက်(၁၁)နှစ် အရွယ်ကတည်းက ဖခင်ဖြစ်သူကို ဆုံးရှုံးခဲ့ရတာပါ။ ပဲရစ်ရဲ့ အင်တာဗျူးတစ်ခုမှာ ဖြေဆိုထားပုံအရလည်း သူမဟာ မိုက်ကယ်ရဲ့ သမီးရင်း မဟုတ်ဘူးလို့ ဝေဖန်ခံခဲ့ရပါတယ်။ သူမရဲ့ ဖြူဖွေးတဲ့ အသားအရေ၊ ရွှေရောင်ဆံနွယ်တွေနဲ့ ဖြူဖျော့တဲ့မျက်လုံးတွေဟာ မိုက်ကယ်ရဲ့ မိသားစုနဲ့ တစ်ခုမှကို နီးစပ်မှု မရှိတာပါ။ ဒါကြောင့် မိုက်ကယ်ဂျက်ဆန်ရဲ့ သမီးဆိုတာ ယုံရခက်ခက်ပါပဲ။ ဒါပေမယ့်လည်း ပဲရစ်က သူမဟာ ဘာပဲဖြစ်ဖြစ် မိုက်ကယ်ရဲ့ သမီးသာဖြစ်တယ်လို့ ဆိုပါတယ်။
ဖခင်ဖြစ်သူ မိုက်ကယ်ဂျက်ဆန်ဟာ သူမကို “သမီးက လူမည်းနော်။ ကိုယ့်အမျိုးအနွယ်ကို ဂုဏ်ယူတတ်ရမယ်။” လို့ မကြာခဏ ပြောလေ့ရှိကြောင်း ပဲရစ်က ပြောပြပါတယ်။ “သူက ကျွန်မရဲ့ ဖေဖေပါ။ အမြဲတမ်းကျွန်မရဲ့ အဖေဖြစ်နေမှာပါ။ အရင်တုန်းကရော အခုရော နောက်ရောပဲ ကျွန်မဖေဖေက သူပါပဲ။ ဖေဖေ့ကို ကောင်းကောင်းသိတဲ့သူတိုင်းကတော့ ကျွန်မဆီမှာ ဖေဖေ့ရဲ့ အရိပ်အယောင်တွေကို မြင်ရတတ်တယ်လို့ ပြောကြပါတယ်။” လို့ သူမက ဆိုပါသေးတယ်။
ပဲရစ်က သူမဟာ မိုက်ကယ်ဂျက်ဆန်ရဲ့ သမီးဖြစ်သော်ငြားလည်း သူမရဲ့ ကလေးဘ၀ကတော့ သာမန်ပါပဲလို့ ဆိုပါတယ်။ ကျောင်းစာတော်ဖို့ လိုအပ်တဲ့အပြင် စာရတဲ့အခါမှ အိမ်မှာ ရုပ်ရှင်ကြည့်ခွင့်ပေးတာ၊ တိရစ္ဆာန်ရုံ လိုက်ပြတာတွေကို လုပ်ပေးတယ်လို့ ဆိုပါတယ်။ ဒါ့အပြင် သူမအသက်(၈) နှစ်မှာ မဂ္ဂဇင်းမျက်နှာဖုံးတစ်ခုက အမျိုးသမီးတစ်ဦးကို အသည်းအသန်ကြိုက်နေခဲ့ရာ ဖခင်က တခြားမိဘတွေလို ဆူတာ ပူတာမျိုးမရှိပဲ သူမကို စနောက်ခဲ့ကြောင်း၊ ဖခင်ဟာ သဘောထားကြီးသူဖြစ်ကြောင်း ပဲရစ်က ဆိုပါတယ်။
“ဖေဖေ့ရဲ့ အဓိကရည်ရွယ်ချက်က ကျွန်မတို့ကို ပညာတတ်အောင် သင်ပေးမယ်၊ အစွမ်းကုန်ချစ်ပေးမယ်။ ဒါပါပဲ။” လို့ဆိုခဲ့တဲ့အပြင် သူမဟာ ဆေးသုံးခဲ့ဖူးကြောင်းနဲ့ ကိုယ့်ကိုကိုယ်သေကြောင်းကြံစည်ဖို့ကိုပါ အကြိမ်ပေါင်းများစွာ ကြိုးစားခဲ့ဖူးကြောင်းတို့ကိုပါ ဖွင့်ဟသွားခဲ့ပါတယ်။